शब्दमाला नेपाली भाषा बिद्यालय
शब्दमाला नेपाली भाषा बिद्यालयको स्थापना गुठी अष्ट्रेलिया र गोरखा नेपाली समुदायको संयुक्त प्रयासमा २०१० मा गरिएको हो। हाल यो बिद्यालय स्वत्रन्त्र रुपमा अभिभावकहरु द्वारा संचालन भैरहेको छ । यो कोहि ब्यक्ति बिशेषको संस्था नभएर हामी सबै नेपालीहरुको भाषा र संस्कृतिको जगेर्ना गर्ने संस्था हो ।
न्यू साउथ वेल्स सरकारले हाम्रो भाषालाई सम्मान दिएर बिद्यालय संचालन गर्न दिएको अवसरलाई कुनै हालतमा पनि गुमाउँनु हुँदैन भनेर हामीले महशुस गरेका छौं । नेपाली समुदाय अष्ट्रेलियन बहुसांस्कृतिक समाजको जल्दो बल्दो र द्रूत गतिले अगाडि बडिरहेको एउटा अभिन्न अंग हो भन्ने कुरा अब स्थापित भैसकेको छ।
भाषा सिकाउने कुरा अभिभावकरुले एक्लै गर्दा अत्यन्त कठिन र जटिल हुन्छ। यसको लागि एउटा दरो घरायसि वातावरण र समुदायको सहयोगको मत्वपूर्ण भूमिका हुन्छ।
प्राथमिकता:
सिड्नी भित्रका बिभिन्न उपनगरहरुबाट शब्दमाला खोलिदिन अनुरोधहरु प्रशस्त आइरहेका छ्न् । तर हामीले अहिले संख्या बढ़ाउने भन्दा बलियो जग बसाउने र हाम्रो पठन पाठनलाई अझ बढि गुणस्तरिय बनाउने कुरालाई प्राथमिकता दिइरहेका छौं ।
योजना:
हाम्रो शैक्षिक प्रणाली न्यू साउथ वेल्स सरकारको पद्धति अनुरूप गर्नु पर्ने हुँदा हाम्रा शिक्षक शिक्षिकाहरुलाई जति सक्दो धेरै प्रशिक्षण गराई उनीहरुको शिप र ज्ञानमा उल्लेखनिय बृद्धि गर्दै गुणस्तरिय शिक्षा प्रदान गर्ने हाम्रो योजना छ। यसका साथै बिगतमा भएका कमि कमजोरीहरुलाई औंल्याउँदै हाम्रा शैक्षिक, आर्थिक तथा अन्य ब्यबस्थापकिय पक्षहरुलाई सुब्यवस्थित ढङ्गबाट परिचालन गराँउदै लैजाने पनि हाम्रो योजना भित्रै पर्दछ।
अष्ट्रेलियामा संचालन भइरहेका अन्य देशिय भाषिक बिद्यालयहरुको जस्तो लामो इतिहास हाम्रो छैन।त्यसकारण बलियो जग बसाल्ने नै हाम्रो हालको अभियान रहेको छ।
सोच:
एउटा बलियो आधार खडा गरि बिद्यालय दोस्रो पुस्ताद्वारा नै संचालन गराउने र हेच एस सि सम्म नेपालीबिषय पठन पाठन गराउने सम्म बनाउने हाम्रो सोंच छ।
कठिनाइ:
सरकारी बिद्यालयहरुमा कक्षा संचालन गर्दा हामीले सो बिद्यालयको नियम अनुसार चल्नुपर्ने हुन्छ र कहिलेकाहिं कठिनाइहरुको सामना गर्नुपर्ने हुन्छ।यदि हाम्रो आफ्नै भवन हुने हो भने हामीलाई परिस्थिति सहज हुने थियो भन्ने कुरा हामी समय समयमा महशुस गर्दछौं।
चुनौती:
मातृ भाषा बोल्न लेख्न र पढ्नको साथै हाम्रा सास्कृतिक पक्षको ज्ञान हामीले हाम्रा केटाकेटीहरुलाई दिनुपर्छ भन्ने कुरामा नेपाली समुदायलाई कसरि जागरुक बनाउने भन्ने कुरा हालको हाम्रो सबैभन्दा ठूलो चुनौति रहेको छ।
कृतज्ञता:
यो बिद्यालयको महत्व बुझेर बिभिन्न नेपाली समुदायले हामी प्रति दर्शाउनु भएको सदभाव र सहयोगको लागि हामी आभारि छौं र आगामी दिनहरुमा पनि यस्तै सदभाव र सहयोगको अपेक्षा राख्दछौं।
Welcome to Shabdamala,
शब्दमाला - नेपाली भाषा विद्यालय
